एमालेको झण्डा ओडाउँदै चरीको अन्त्यष्टी (फोटोफिचर)

काठमाडौं, ७ भदौ । प्रहरीसँगको मुठभेडका क्रममा मारिएका डन दिनेश अधिकारी ‘चरी’ को आज अन्त्यष्टी गरिएको छ । उनको पार्थिव शरीरमा नेकपा एमालेको झण्डा ओढाएर अन्त्यष्टी गरिएको छ ।

एमालेका केन्द्रीय सदस्य खेम लोहनीले पशुपति आर्यघाटमा चरीको पार्थिव शरीरमा पार्टीको हँसिया हथौडा अंकित झण्डा ओढाएका हुन् । एमालेका शीर्ष नेताहरु त्यहाँ सहभागी नभएपनि लोहनीले झण्डा ओढाउँदा त्यहाँ एमाले सभासद धनबहादुर घले, गुरु बुर्लाकोटी, एमाले धादिङका अध्यक्ष भूमि त्रिपाठी, एमालेको विद्यार्थी संगठन अनेरास्ववियुका अध्यक्ष किशोरविक्रम मल्ल र उपाध्यक्ष ऐन महर समेत उपस्थिति थिए ।

एमाले सभासद राजेन्द्र पाण्डे भने अस्पतालमा नै श्रदाञ्जली दिएर फर्किएका थिए । यस्तै, चरीलाई अन्तिम श्रद्धान्जली दिन अर्का डन चक्रे मिलन पनि आर्यघाट पुगेका थिए ।
शिक्षण अस्पतालबाट शुरु भएको शबयात्रामा सहभागी एमाले कार्यकर्ताहरुले शीर्ष नेतृत्वप्रति आक्रोश पोखेका थिए ।