आँट भएको केटा भेटिएन रे, आटिलो केटा खोज्दै रेखा थापा

काठमाडौ, भदौ १ – अभिनेत्री रेखा थापाले  दशैमा रिलिज हुन लागेको आफ्नो चलचित्र ‘हिम्मतवाली’को ट्रेलरमा उनले आफुले अहिलेसम्म आँट भएको केटा नपाएको गुनासो गरेकी  छन् । हालै युट्युब मार्फत रिलिज गरिएको चलचित्रको ट्रेलरमा रेखालाई निकै बोल्ड रुपमा प्रस्तुत गरिएको छ ।

उनले घोडा दौडाएकी छिन्, फाइट खेलेकी छिन्,  छमछमी कम्मर मर्काएकी छिन् अनि स्टन्ड गरेकी छिन्   । पूर्ण एक्सन शैलीमा निर्माण गरिएको हिम्मतवाली’मा दुवै हात नभएका शुर्दशन गौतम नायक छन् ।

फूलपातीको दिन हलहरुमा लाग्ने चलचित्र हिम्मतवालीको यसअघि चारवटा गीत सार्वजनिक भइसकेका छन् । चलचित्रमा शुरुवाती सुटिङमा श्याम भट्टराई निर्देशक भएपनि पछि उनीसँग झगडा परेपछि रेखा आफै निर्देशक बनिन् ।