श्रीमतीले घोडालाई चुम्बन गरेपछि…

कर्नेलको घोडा भन्ने कथा त पढ्नुभएकै होला । त्यहाँ कर्नेलनीले घोडासँग लसपस गरेको खप्न नसकेर कर्नेलले बन्दुकले हानेर घोडा मारेको थियो । बिपि कोइरालाको त्यो कर्नेल पात्र साउदी अरेबियामा देखा परेको छ । त्यो ‘कर्नेल’ ले घोडालाई चुम्बन गरेको निहुँमा श्रीमतीसँग सम्बन्ध विच्छेद गरेको छ ।


समाचार अनुसार श्रीमतीले घोडासँग किस गरेको आफ्नो तस्वीर इन्टरनेटमा अपलोड गरेको देखेपछि लोग्नेले श्रीमतीसँग डिभोर्स गरेको हो । डेली स्टार अनलाइनमा छापिएको खबर अनुसार राजधानी रियाद नजिकैका नाम नखुलाइएका ती पुरुषले घोडालाई किस गरेको श्रीमतीको तस्वीर देखिसहेनन् । आफुलाई छाडेर घोडासँग श्रीमती लसपस गरेको खुलेआम देखेपछि उनले श्रीमतीलाई गालीगलौज गर्दै डिभोर्स गरेका हुन् । विचरी ती श्रीमतीले आफ्नो घर नजिकैको फार्ममा रहेको घोडालाई चुम्बन गरेको तस्वीर खिचेर सोसल मिडियामा अपलोड गरेकी थिइन् । सोही तस्वीर आफ्नो दाम्पत्य जिवनको सत्रु बन्छ भन्ने कुरा उनलाई के थाहा ?

त्यतिजाबो सानो निहुँमा सम्बन्ध विच्छेद गर्ने भुपु लोग्नेको बहुलट्ठी पूर्ण निर्णयलाई घृणा गर्दै ती महिलाले मान्छे र पशु छुट्याउन नसक्ने पुरुषसँग सँगै बस्नु भन्दा छुटि्टनु नै बेस रहेको भन्दै आफुलाई घोडासँग किस गरेको तस्वीर अपलोड गरेकोमा कुनै पछुतो नरहेको बताएकी छिन् । अरबी घेाडाप्रतिको आफ्नो प्रेम प्रकट गर्ने त्यो तस्वीर प्रति आफु गौरवान्वित रहेको ती महिला बताउँछिन् ।