काठमाडौं, भाद्र २५ । अमेरिकामा आफ्नै ५ सन्तानको हत्या गरेको अभियोगमा टिमोथी रे जोन्स नाम गरेका एक व्यक्ति पक्राउ परेका छन् । साउथ क्यारोलाइना राज्यका जोन्समाथि १ देखि ८ वर्षसम्मका ५ सन्तानको हत्या गरी उनीहरुको शव अलाबामा राज्यमा लगेर गाडेको आरोप लागेको छ ।

सन्तानका आमाले आफ्ना सन्तान बेपत्ता भएको र आफ्ना पूर्वपति जोन्स पनि सम्पर्कविहीन भएको भन्दै उजुरी दिएपछि प्रहरीले मंगलबार दिनभर खोजी तीव्र पारेको थियो । खोजीकै क्रममा ५ सन्तानको शव अलाबामा राज्यको राजमार्ग नजिक गाडिएको अवस्थामा भेटिएको थियो । अभियुक्त जोन्स भने मिसिसिपीबाट पक्राउ परेका थिए ।

सुरुमा मादक पदार्थ सेवन गरी सवारी चलाएको आरोपमा पक्राउ परेका जोन्समाथि छानबिन गर्दा उनी फरार व्यक्तिको सूचीमा रहेको खुलासा भएपछि घटना सार्वजनिक भएको हो ।

प्रहरीले जोन्समाथि आफ्नै ५ सन्तानको हत्या गरेको आरोपमा मुद्दा चलाएको छ । (एजेन्सी)

श्रीमानले हत्या गरेको माइतीको आरोप

भदौ ९– काभ्रे,  सिन्धुली घर भएकी २२ की राधिका घिमिरे नाम भएकी उग्रतारा जनागालमा तरकारी बेच्ने व्यवसाय गर्ने एक महिला मृत अवस्थामा फेला परेकी छिन् । उनी सोमबार बिहान उग्रतारा जनगालस्थित धानखेतमा मृत अवस्थामा फेला परेकी हुन् ।
पनौतीमा माईत भएकी घिमिरे तरकारी बेच्ने काम गर्दै आएको माईती पक्षले बताएको छ । घिमिरेको हत्या उनकै श्रीमानले गरेको भन्दै माइती पक्षले जाहेरी दिएका छन् । घिमिरेको श्रीमान् नवराज विकले नै हत्या गरेको भन्दै आफन्तले प्रहरीलाई जाहेरी दिएका हुन् । नवराज अहिले फरार छन् । घिमिरेको घाँटीमा निलडाम र चोट देखिएको छ । इलाका प्रहरी कार्यलय बनेपाका अनुसार उनलाई कसैले घाँटीमा डोरीले बाँधेर हत्या गरी फालेको हुनसक्ने प्रारम्भिक अनुसन्धानमा खुलेको छ । कोठा भन्दा २ सय मिटर परतिर धानखेत जाने बाटोमा उनको मृत शरीर भेटिएको थियो ।
स्थानीय बासीले बिहान उनको लाश देखेपछि प्रहरीलाई खबर गरेका थिए । हत्यारको पहिचान भइसकेपनि पक्राउ नपरेका कारण प्रहरीले हत्यारको विषयमा बताउन चाहेनन् । हामी हत्याराको नजिक पुगेका छौँ इलाका प्रहरी कार्यलयका इन्चार्ज प्रल्हाद कार्कीले बताए ।

केही आमाबाबु यतिसम्म क्रुर हुनसक्छन् कि आफ्नो सन्तानलाई समेत बेच्न पछि पर्दैनन् । चिलीमा यस्तै घटना सार्वजनिक भएको छ । एक युवतीले आफ्नो बच्चा फेसबुकमार्फत मात्र ६८ पाउन्डमा बचेको प्रहरीले जनाएको छ । बच्चा बेचेको भन्दै प्रहरीले वेरेनिका नाम गरेकी १८ वर्षीया युवतीलाई पक्राउ परेको छ । समाचारहरुमा जनाइएअनुसार उनी २०१३ फेब्रुअरीमा २ महिनाको गर्भवती दिइन् । उनले आफ्ना १७ वर्ष प्रेमीलाई गर्भ बसेको बताइन् र कसैलाई नभन्न आग्रह गरिन् । तर, आमा र दिदीसँग उनले आफू आमा बन्न लागेको लुकाउन सकिनन् । ४२ वर्षकी आमा एन्जेला र २४ वर्षकी दिदी डेनिलाले बच्चा बेच्न, गर्भपतन गर्न वा धर्मसन्तानका रुपमा अरुलाई दिन भने । परिवारको दबावमा उनले गर्भमा भएको बच्चा बेच्ने सूचना फेसबुकमा राखेपछि एक जोडीले किन्ने प्रस्ताव राखेको बताइएको छ । नोभेम्बर ४ मा बच्चा जन्मियो र निकै कम मूल्यमा बच्चा बेचियो पनि । घटनामा संलग्न रहेको आरोपमा युवतीकी आमा र दिदीलाई पनि प्रहरीले पक्राउ गरेको छ ।

नेपालमा विमानस्थलका कर्मचारीहरुको व्यवहारबारे धेरै गुनासो आउने गरेको छ । विमानस्थल कर्मचारीले वैदेशिक रोजगारीमा गएर आएकी एक युवतीलाई लुटपाट र बलात्कार गरेको घटना सेलाएको छैन ।

अध्यागमन कर्मचारीको यस्तो लार्पवाही नेपाल मात्र नभएर अन्यत्र पनि हुने गरेको छ ।

संयुक्त अरब इमरेट्सको सारजाह विमानस्थलका कर्मचारीले एक भारतीय नागरिकको पासपोर्ट नियन्त्रणमा राखेका छन्, किनकी उनलाई ती भारतीयको जुँगा मन परेन ।

गल्फ न्यूजका अनुसार विमानस्थल र विदेश विभागले सीसीटीभीको फुटेज हेरेर घटनाबारे अध्ययन गरिरहेको छ । भारत केरलाका सफ्टवेयर इन्जिनियर सुजिभ कुमार हालै सारजाह विमानस्थल पुगेका थिए । उनले विमानस्थलका अधिकारीले आफूले जुँगा काटे मात्र पासपोर्ट दिने भनेको बताए ।