२ माघ, काठमाडौं । बार्सिलोनाका स्टार स्ट्राइकर लिओनल मेस्सी यूईएफए टिम अफ दि इयर २०१३ मा पर्न असफल भएका छन् ।
युरोपियन फुटबलको नियमनकारी निकाय यूईएफएको आधिकारिक वेबसाइटको भिजिटरहरुको ६.३ मिलियन भोटका आधारमा टिम अफ दि इयर घोषणा गरिएको हो । मेस्सी भोटिङमा १३ औं स्थानमा रहे भने बार्सिलोनाका कुनै पनि खेलाडी टोलीमा पर्न असफल भए ।
यसैसाता फिफा बालोन डि’ओर जितेका रियल मड्रिडका क्रिष्टियानो रोनाल्डो भने टिम अफ दि इयरमा परेका छन् । उनीसँगै ग्यारेथ बेल र सर्जिओ रामोस टोलीमा परेका छन् ।
यस्तै वार्यन म्युनिखका नुयोरसँगै फिलिप लाहम, अल्बा, फ्रांक रिवेरी छन् भने बुरोसिया डर्टमुन्डका मार्को छन् । पेरिस सेन्ट जर्मेनका जाल्टन इभ्राहिमोभिच र थिएगो सिल्भा टोलीमा पर्दा आर्सनलका ओजिल पनि अटाएका छन् ।
No comments