म्यानचेस्टर सिटी च्याम्पियन्स लिगको अन्तिम १६ मा

 इङ्लिस क्लब म्यान्चेस्टर सिटी युरोपियन च्याम्पियन्स लिगको अन्तिम १६ मा पुगेको छ । सिटीलाई प्रभावशाली जीत दिलाउन अल्भेरो नेग्रेडोले ह्याट्रिक गरेका थिए भने अग्वेरोले २ गोल गरे ।

गयराति सिटीको एतिहाद स्टेडियममा भएको खेलमा रसियन क्लव सिएसकेए मस्को माथि ५–२ को जित निकाल्दै सिटी यो च्याम्पियन्स लिगको अन्तिम १६ मा प्रवेश गरेको हो ।

manchester cityसमूह डिमा रहेको सिटीको जितमा स्ट्राइकरद्धय अल्भेरो नेग्रेडो र सर्जियो अग्वेरोले उत्कृष्ट प्रदर्शन गरेका थिए । सिटीलाई जीततर्फ अग्रसर गराउने क्रममा अग्वेरोले खेलको तेस्रो मिनेटमा गोल गरेका थिए ।

खेलको शुरुवातमै गोलको खाता खोलेको सिटीले सिएसकेए मस्कोलाई निरन्तर दवाबमा राखेको थियो । सिटीलाई जिताउन उत्कृष्ट प्रदर्शन गरेका अग्वेरोले समीर नासरीको पासमा खेलको २० औं मिनेटमा गोल गर्दै अग्रता दोब्बर बनाए ।

यसै सिजन स्पेनको सेभिल्लाबाट सिटी आएका अग्वेरोका स्ट्राईकिङ पार्टनर अल्भेरो नेग्रेडोले खेलको ३० औं मिनेटमा गोल गर्दै सिटीको अग्रता फराकिलो बनाउन सफल भए ।
लगातार गोल खाएपछि बल नियन्त्रण गुमाएको सिएस्केए मस्कोले पहिलो हाफको इन्जुरी समयमा खेला फर्कने प्रयास गर्यो । उसकाल लागि पहिलो हाफको इन्जुरी समयमा डुम्बियाले गोल गर्दै सिटीसँगको अन्तर घटाए ।

खेलको दोस्रो हाफमा पनि सिटीले आक्रमक खेल पस्केको थियो । खेलको ५१ औं मिनेटमा सिटीका लागि नेग्रेडोले गोल गर्दै खेललाई ४–१ मा पुर्याए । हार नजिक पुगिसकेको सिएस्केए मस्कोले खेलको ७१ औं मिनेटमा पेनाल्टीमार्फत गोल गर्दै सिटीसँगको अन्तर घटयो । सिटीका ग्यायल क्लिचीले डिबक्स भित्र फल गरेपछि पाएको पेनाल्टीलाई डुम्बियाले गोलमा परिणत गरेका थिए ।

manchester city.खेलको इन्जुरी समयमा सिटीका नेग्रेडोले गोल गर्दै सिटीलाई ५–२ को प्रभावशाली जीत दिलाउन सफल भए । गयराति नै भएको अर्को खेलमा जर्मन क्लब बार्यन म्यूनिख भिक्टोरिया प्लेजनलाई १–० ले हराउँदै सिटीसँगै च्याम्पियन्स लिगको अन्तिम १६ मा पुगेको छ । बार्यनका लागि मारियो मान्जुकिजले निर्णायक गोल गरेका थिए । समूह डिमा बार्यनको १२ अंक छ भने सिटीको ९ अंक छ । सिएस्केए मस्कोले ३ अंकमात्र जोड्न सकेको छ भने प्लेजनले खाता खोल्न सकेको छैन ।

गयराति भएको समूह ए को खेलमा म्यान्चेस्टर युनाईटेड र रियल सोसिड गोलरहित बराबरीमा रोकिए । दोस्रो हाफमा पाएको पेनाल्टीलाई भान पर्सीले गोलमा परिणत गर्न नसक्दा म्यान यू बराबरीमा रोकिएको हो । अर्को खेलमा रियल मड्रिड र युभेन्टस २–२ गोलको बराबरीमा रोकिए । युभेन्टसले पहिलो हाफमा पाएको पेनाल्टीमा अग्रता लिएको खेलको दोस्रो हाफमा रोनाल्डो र ग्यारेथ बेलले गोल गर्दै अग्रता लिए पनि युभेन्टसले पुनः बराबरी गरेको थियो ।

त्यसैगरी फ्रान्सेली क्लव पिएसजीले पनि एन्डरलेट्चले एक एकको बराबरी खेले । म्यान सिटीका पूर्व प्रशिक्षक रोर्बटो मान्सिनीको प्रशिक्षणमा रहेको गालातासारेले एफसी कोपनहेगनसँग १–० ले पराजित भयो । अर्को खेलमा जर्मन क्लव बार्यन लेभरकुसन र युक्रेनी क्लव सख्तर डोनेस्क पनि गोलरहित बराबरीमा रोकिए ।