के हिटलरको ईशारामा चल्दथ्यो हलिउड ?

(एजेन्सी)– एउटा नयाँ विवादित किताबमा दाबी गरिएको छ कि अमेरिकी फिल्म उद्योग, हलिउडको फिल्म स्टुडियो १९३० को दशकमा जर्मनीको नाजी शासक हिटलरको मर्जीको हिसाबले काम गर्ने गर्दथ्यो ।

‘द कोल्याबरेसनः हलिउड्स फ्याक्ट विद हिटलर’ को लेखक हार्वर्ड विश्वविद्यालयको विद्धान बेन उरवान्ड एक सौम्य स्वभावका मानिस हुन् जसको किताबको विभिन्न खण्डहको कडा आलोचना र थोरै तारिफ भइरहेको छ ।

न्यूयोर्कको पत्रिकाको डेविड डेन्बी अमेरिकाको फिल्म समिक्षकमध्ये एक हुन् । उनी यो किताबलाई एक अपमान भएको बताउँछन् । ‘मैले हार्वर्ड युनिभर्सिटी प्रेससँग यो किताब फिर्ता लिन निकै अपिल गरेँ । यो किताब अस्पष्ट दाबीहरुले भरिएको छ ,’ उनले भने ।

अमेरिकी फिल्मको टेड पत्रिका हलिउड रिपोर्टरमा छापिएको आलेखमा ब्रैन्डिस विश्वविद्यालयको इतिहासविद टोमस डोहर्टीले बेन उरवान्डको किताबलाई ‘मिथ्या र गैर ऐतिहासिक’ भनेका छन् ।

डोहर्टीको किताब हलिउड एण्ड हिटलरः १९३३–१९३९ भर्खरै प्रकाशित भएको हो ।