दुनियामा आफ्नो नामलाई चर्चित बनाउने चाहना कसको पो हुँदैन र ? तर चानचुने र सबैले देखे जानेका र गरेका कामकुरा गरेर चर्चित भइँदैन । त्यसैले आफुलाई चर्चित बनाउन अझ भनौँ नाम कमाउनका लागि मानिसहरुले अनौठा हर्कत गर्न समेत पछि पर्दैनन् । यस्ता हर्कत गरेर विश्वमा किर्तिमान कायम गर्ने दौडमा हरेक दिनजसो नै मानिसहरु लागिरहेका हुन्छन् र किर्तिमान समेत बनिरहन्छन् । इटालीका एक मानिसले पनि यस्तै अनौठो काम गरेर विश्वकिर्तिमान कायम गरे । मिलियासेन्डिनी नामका इटालियन जादूगरले कण्डममा कोकाकोला भरेर विश्वकिर्तिमान कायम गरेको दाबी गरेका हुन् ।

ती मानिसले डेढ लिटर कोकाकोला भएको बोलतको मुख खोलेर केही चम्चा न्युटिला चकलेटको पेष्ट हाले । त्यसपछि उनले ड्युरेक्स कम्पनीको कण्डम लिए । उक्त कण्डम भित्र मेन्टोसका केही गोली हाले । अनि त्यो कण्डमलाई कोकाकोलाको बोतलको मुखमा घुसाएर टेपले बाँधे । त्यसपछि त कोकाकोलाको ग्यास र झोल दुबै कण्डमतर्फ जान थाल्यो र कण्डम मज्जाले फुल्न थाल्यो । कण्डम यति धेरै फुल्यो की अन्त्यमा त्यो फुटेर त्यसमा भएको कोकाकुल छताछुल्ल पोखियो ।

कण्डममा कोकाकोला भरेको यो पहिलोपटक भएको र आफुले कसैले पनि नराखेको किर्तिमान राखेको दाबी उनको छ । समाचार अनुसार गिनिज बुकका अधिकारीहरुले पनि उनको यस्तो दाबीको अध्ययन गरिरहेका छन्, त्यसलाई किर्तिमानको सूचिमा राख्ने नराख्ने भनेर । 

आमाबाबुले आफ्नो दाईलाई बचाउने इच्छा व्यक्त गरेपछि चीनमा एक युवकले आत्महत्या गरेका छन् । २०१० मा करिव ६ महिनाको अन्तरमा २० वर्षीय होङयोङ र १८ वर्षीय होङटाओको किन्डीले काम गर्न छाडेको थियो । छोराहरुको उपचारमा स्वान्यु र पत्नी झ्याङ टिनसियाले भएभरका सबै सम्पत्ति बेचे ।

छोराहरुलाई बचाउने आमाबाबुको इच्छा पुरा नहुने खतरा बढेपछि होङटाओले आफूलाई कोठामा थुनेर विष पिए । उनले सुसाइड नोट समेत लेखेका थिए । निकै मर्मस्पर्शी रुपमा उनले लेखेका छन्–‘दाई जब तपाई ठिक हुनुहुन्छ मलाई भन्नुहोला । मेरो लागि यो पर्याप्य हुनेछ ।’

२०१० अघिसम्म स्वान्यु र पत्नी झ्याङ टिनसियाको परिवार राम्ररी चलेको थियो । दुबै छोेरा आफ्नो कक्षामा प्रथम हुन्थे । उनीहरुले एन्हुई प्रान्तमा घर समेत बनाएको थियो ।

मान्छेलाई इच्छामात्र हुनुपर्छ, त्यसलाई पूरा गर्ने विधि अनेक निस्कन्छन् । चाहे जस्तोसुकै प्रतिकुल अवस्था किन नहोस् ।

इजरायलकी एक महिलाले हालै आमा बन्ने उत्कट चाहना पूरा गरेकी छिन, त्यो पनि तस्करीबाट प्राप्त वीर्यमार्फत् । वीर्य तस्करी गर्नु उनको रहर नभई बाध्यता हो । यसका पछाडि उनको पीडादायी कथा पनि लुकेको छ ।

इजरायल पोष्टका अनुसार हाना अल–जानेन र तामेरबीच २००६ मा विवाह भएको थियो । विवाहको तीन महिनापछि तामेर पक्राउ परे । इजरायली मानिसको हत्याको आरोपमा उनलाई १२ वर्षको जेल सजाय सुनाइयो ।

हनिमुन नसकिँदै जीवनसाथीको पक्राउले हानालाई जति दुःखी बनाएको थियो, त्योभन्दा बढी आमा बन्ने चाहना पूरा नहोला कि भन्ने चिन्ता पनि थियो । हानाले पटक–पटक पतिसँग भेटाइदिन जेल प्रशासनलाई आग्रह गरे पनि सुरक्षाको कारण देखाउँदै सुनुवाइ भएन ।

त्यसपछि तामेरले आफ्नो वीर्य श्रीमतीसमक्ष पुर्‍याउन तस्करको सहायता लिए । श्रीमानले जेलबाट पठाएको वीर्यमार्फत् हाना चिकित्सकको सहयोगमा गर्भवती भइन् । गत शुक्रबार उनको छोरा जन्मिएको छ । गाजापट्टीमा यो प्रयोग पहिलो भएको बताइएको छ ।

हानाले अस्पतालबाट दिएको बयानमा भनेकी छन्–‘हामीले प्रमाणित गरेका छौं कि तपाई कसैलाई पनि आमा बन्ने अधिकारबाट रोक्न सक्नुहुन्न ।’

इजरायलको गाजापट्टीका कैदीहरुलाई परिवारसँग भेट्ने अनुमति छैन, जहाँ करिव ५ हजार कैदी छन् ।

केन्यामा मृत घोषित युवकले सहयोग माग्दै आवाज निकालेपछि एक मुर्दाघरका कर्मचारीको सात्तो गएका छ । यी युवक २४ वर्षका पल मुतोरा हुन्, जसलाई चिकित्सकले मृत घोषित गरेका थिए ।

उनको शवलाई १५ घण्टासम्म मुर्दाघरमा राखिएको थियो । बाबुसँगको विवादपछि उनले विष सेवन गरेका थिए । अवस्था गम्भीर भएपछि उनलाई तत्काल अस्पताल लगिएको थियो । उपचारका क्रममा चिकित्सकले मृत घोषित गरे ।

मुर्दाघरमा शव राखेको करिव १५ घण्टापछि बन्द कोठाबाट आवाज आयो । डराउँदै कर्मचारीहरुदले हर्दा उनले सास लिरहेका थिए । उनका बाबुसहित आफन्त भने अन्तिम संस्कारको तयारीका लागि घर गएका थिए । मृत घोषित मुतोराले सास फेरिरहेेको भेटिएपछि कर्मचारीहरुले तत्काल बेर्डमा लगेर उपचार सुरु गरेका थिए । उनी खतरामुक्त रहेको बताइएको छ ।

३ माघ, बुटवल । बुटवल नगरपालिका-३ हात्तीसुाड सुकुम्बासीबस्तीमा गत पुस २५ गते जन्मेका एक शिशुलाई तीनजना महिलाले दाबी गरेका छन् । संयोगले आमा दावी गर्ने तीनैजना महिलाको उमेर ३२ वर्ष र उनीहरुका पतिको उमेर ३५ वर्ष छ ।

हात्तीसुँडकी लक्ष्मी राईले आफूले जन्म दिएको र गरिबीका कारण पालनपोषण गर्न नसकेकाले सुकुम्बासीबस्ती बुद्दनगरकी जयकुमारी रोकालाई ‘उपहार’ दिएको बताइन् ।

महात्मा गान्धी, एक भारतीय अहिंसावादी नेता । जसको इमान्दारिता तथा सरल जिवनशैली र त्यागको बारेमा प्रश्न उठाउने ठाउँ छैन सामान्य रुपमा । तर उनको जिवनको भित्री पाटो भने निकै घतलाग्दो तथा रोचक रहेछ । बेलायती चर्चित इतिहासकार जेड एडम्सले आफ्नो पुस्तक गान्धी : नेकेड एम्बिसनमा महात्मा गान्धीको विषयमा केही रोचक तथा विवादास्पद तथ्य उजागर गरेका छन् ।

gan

उक्त पुस्तकले आम सर्वसाधारण र मिडियामा समेत सनसनी फैलाएको छ । सादा जिवन उच्च विचारका धनी, विश्व प्रसिद्ध अहिंसावादी नेता महात्मा गान्धीका विषयमा सार्वजनिक गरिएका यस्ता आश्चर्यजनक तथ्यहरु धेरैले पत्याउन पनि सकेका छैनन् । लेखकले महात्मा गान्धीको जवानी निकै रसरंगपूर्ण रहेको र बुढेशकालमा समेत गान्धी निकै भोगी रहेको बताएका छन् । उनको पुस्तकका अनुसार :-

महात्मा गान्धीले आफ्नी श्रीमतीलाई दिनदिनै कुटपिट गर्थे र धेरै दिनसम्म यौन सम्पर्कबाट पनि टाढा राख्थे ।

जब गान्धीका बुवा मृत्युशैयामा थिए र अन्तिम स्वास लिइरहेका थिए त्यसबेलामा पनि गान्धी सहवासमा व्यस्त थिए । लेखकका अनुसार गान्धी परस्त्रीसँग सहवासमा लिप्त हुन्थे । उनले आफ्नो आश्रममा रहेका दुइ जना बेलायती महिलासँग आध्यात्मिक विवाह समेत गरेका थिए ।



महात्मा गान्धी आफ्नी १२ वर्षकी भतिजीसँग पनि नांगै सुत्थे । उनी आफ्नो कामबासना नियन्त्रणको क्षमताको जाँच गर्न भन्दै विभिन्न महिलासँग निर्वस्त्र सुत्ने गर्थे ।

गान्धीले आफ्नो आश्रमलाई यौनको प्रयोगशाला बनाएका थिए । त्यहाँ रहेका केटाकेटीहरुले गान्धीसँगै नांगै नुहाउनु पथ्र्यो र नांगै सुत्नुपथ्र्यो । यद्यपि उनीहरुले कुनै छिल्लिएका कुरा गरे भने कारवाही हुन्थ्यो । गान्धीले त्यहाँ आउने महिलालाई श्रीमान नलिइकन आउन भन्थे र यौनको इच्छा भएमा चिसो पानीले नुहाउन सल्लाह दिन्थे ।

गान्धीकी निजी सचिव सुसिला नायरकी सुन्दरी बहिनीले सानै देखि गान्धीलाई आफ्नो जिउ सुम्पिएकी थिइन् । उनले गान्धीसँगै नांगै नुहाउनु तथा सुत्नुपथ्र्यो । आफ्नो करतुतलाई छोप्नको लागि गान्धी भन्थे, जब उनले नुहाउँथिन् मैले आँखा बन्द गर्थेँ । उनले नांगै नुहाएकी छिन् वा कट्टु लगाएकी छिन् मैले देख्दिनथेँ । तर जिउमा साबुन दल्दाखेरि आउने आवाजले भने पत्तो लाग्थ्यो ।

कस्तुरवा गान्धीको निधनपछि महात्मा गान्धी झनै भोगी हुँदै गए । आश्रममा उनले धेरै महिलालाई ओछ्यानमा प्रयोग गरे आफ्नो ब्रम्हचर्य जाँच्न भन्दै ।