सुनले बने महिलाका भित्री वस्त्र, हेर्न चाहिँ पाइने, छुन नपाइने

 सुनको भाउ दिनदिनै बढेको बढ्यै छ । तर, यति महंगो सुनको शौख भने पटक्कै घटेको छैन् । यो पहेँलो धातु अक्सर सुन्दरताका लागि प्रयोग गरिन्छ र देखाउने गरि नै लगाइन्छ । तर, आजकल यसको प्रयोग महिलाको ब्रा र पेन्टीमा पनि हुन थालेको छ ।

एक चिनियाँ डिजाइनरले हालै सुनै सुनले बनेको महिलाका अण्डरवेयर बनाएकी छिन् । हुवाईमा यो सातामात्रै एक मोडलले सुनको टु पीस लगाएर आफुलाई प्रर्दशनीमा राखिन् । दिनभरजसो त्यहाँ पुगेका चिनियाँहरुले आश्चर्य मान्दै ती युवतीलाई हेरे र आफ्नो मोबाइलमा तस्वीर खिचे ।

सुनको ब्रा र अन्डरवयर लगाएर सार्वजनिक गर्ने भाग्यमानी मोडलको नाम भने सार्वजनिक गरिएको छैन । उनीसँगै अन्य दुई मोडलले अन्य गहनाको डिजाइन सार्वजनिक गरेका थिए ।

झण्डै तीन किलो सुनबाट बनेका यी एक जोडी भित्री वस्त्र ५ जना कालिगढलाई करिव ६ महिना समय लागेको छ । यसको मूख्य करिव ५ लाख पाउन्ड पर्ने बताइएको छ ।

हुबेई प्रान्तको बुहान शहरको एक गहना पसलले बनाएको यो सुनको वस्त्र विक्रीका लागि भने बनाइएको होइन । जसले गर्दा हैसियत हुने धनाढ्यहरुले आफ्नी प्रेमिकाहरुलाई सुनको भित्री वस्त्र उपहार दिन सक्ने छैनन्