राजनीति थालेका हमाललाई जनताले दिए टुडिखेलमा साथ(भिडियो)

उसो त बेला बेलामा नायक राजेश हमाल आफू राजनीतिमा आउन चाहेको बताउन पछि पर्दैनन् । तर पनि हमालले अहिले सम्म आफ्नो स्पष्ट धारणा भने सार्वजनिक गरेका छैनन् । तर वास्तविक जीवनमा राजनीतिबाट टाढै रहेका नायक राजेश हमाल पर्दामा भने जनताको अघि भाषण गर्दै गरेको अवस्थामा देखिनेछन् ।बसन्त निरौलाको निर्देशनमा तयार भएको चलचित्र ‘राजनीति’मा नायक राजेश हमाल टुडिखेलमा जम्मा भएका हजारौ जनताको अघि भाषण गरिरहेको अवस्थामा देखिनेछन् । यति मात्र होइन उनी विरगञ्जमा पनि जनताको साथ लिएर आन्दोलनमा होमिएको अवस्थामा देखिनेछन् ।

दिपक सुवेदी र हरि पन्तको निर्माणमा तयार भएको यो चलचित्रमा हमालको राजनीतिक यात्रालाई गायिकाबाट नायिका बनेकी कोमल वलीले साथ दिएकी छिन् । चलचित्रमा दिपक सुवेदी र पवित्रा आचार्यको पनि अभिनय छ । नेपालको राजनीतिक अवस्थालाई सुक्ष्म रुपमा चित्रण गरिएको यो चलचित्र भदौ २८ गतेबाट प्रदर्शनमा आउँदैछ ।

यसैबिच चलचित्रको निर्माणपक्षले चलचित्रको फष्ट प्रोमो सार्वजनिक गरेको छ । चलचित्रमा दर्शकहरुको सहभागिता समेत उल्लेख्य मात्रामा रहेको देखिन्छ । नेपाली सिनेमामा कथाले मागे अनुसार मानिस जम्मा गर्न नसकेको आरोप लागिरहेको समयमा ‘राजनीति’ले भने जनता सहभागी गराउन कुनै कसर बाँकी राखेको छैन ।