नायिका अनु शाहको मन अचानक बदलिएपछि नव कलाकार वीरेन डीसीलाई फकाउनै गाह्रो पर्यो । तर पनि विरेन के कम थिए र, मन बदलिएर अनुको मायामा पग्लिएको कुरा गर्न पछि परेनन् ।छायांकनको अन्तिम चरणमा पुगेको चलचित्र ‘बर्दी’को एक गीतमा यस्तै दृश्य देख्न सकिन्छ । विजय विक्रम बस्नेतको निर्देशनमा तयार भइरहेको यो सिनेमामा संचारकर्मी कुमार आचार्यको लगानी छ ।
चलचित्रमा अनु शाह, कुशल थापा, रुपा खनाल, नव कलाकार वीरेन डीसीको मुख्य भूमिका छ ।यदि समाजमा प्रहरी भएन भने कस्तो अवस्था आउला भन्ने कथालाई चलचित्रले देखाउन खोजेको छ । चलचित्रमा प्रदिप श्रेष्ठको नृत्य, गणेश श्रेष्ठको छायांकन, विकास चौधरीको संगीत छ । चलचित्रको छायांकन अन्तिम चरणमा पुगेको निर्देशक बस्नेतले जानकारी गराएका छन् । चलचित्रमा द्वन्द्वका दृश्यहरु धेरै छन् । नायिका अनु शाहले चलचित्रमा आफ्नो चुलबुले भूमिका रहेको बताइन् ।
No comments