संसारकै सबैभन्दा अनौठो विज्ञापन

भिडीयो हेर्न को लागि माथि को बक्स मा क्लिक गर्नु होस्

बेलायतको इस्ट ग्रिनस्टेड सहर निवासी एक दम्पतिले आफ्नो मर्सिडिज कार लिलामीका लागि अनलाइन वेभसाइट इबेमा राखेका छन् । तर, कारका साथ जुन विवरण दिइएको छ, त्यो पढेर भने सबै हैरान हुने छन् । साथै विवरण पढेर सायदै कसैले कार किन्ने आँट गर्नेछ ।
सामान्यतः विज्ञापन भनेकै ८० प्रतिशत झुट र २० प्रतिशत मात्र सत्य हुन्छ भन्ने मान्यता राखिन्छ । त्यसैले मार्केटिङको यो जमानामा मानिसहरु आफ्नो उत्पादनका विषयमा भए नभएका कुरा भन्ने गर्छन् । सबै कमजोरी लुकाएर राम्राको बढाई चढाई मात्र गर्छन् । तर, यो दम्पतिले भने आफ्नो कारको राम्रो पक्ष होइन नराम्रो पक्ष मात्र उल्लेख गरेका छन् ।
विज्ञपनको विवरण हेरौ है त–यदि तपाई एउटा राम्रो, बेदाग र राम्रो कण्डिशनको मर्सिडिज कार चाहनु हुन्छ भने तपाई गलत स्थानमा आउनु भएको छ । तर, यदि तपाई उदास हुनुहुन्छ र तपाईको बजेट कम छ भने यो लिलामीमा तपाईलाई स्वागत छ ।
तपाई सामू प्रस्तुत छ, जर्मन इन्जिनियरिङको उत्तम नमूना यो कार । र, यसका साथ मेरो मोडलिङ पनि । यो गाडी अहिलेसम्म धेरै दौडिसकेको छ । कयौ पटक टुटफुट भएर कारको इन्रिियर बर्बाद भइसकेको छ । यो कार किन्नेका लागिव केही अनौठा सर्त छन् । हामी यो कारलाई पश्चिमी अफ्रिकाको कुनै पनि ठेगानामा पठाउनेछौं । यदि तपाई करोडपति हुनुहुन्छ तर प्रोसेसिङ फीका कारण यो किन्न सक्नु हुन्न भने हामीलाई भन्नुस् । हाम्रा वकिलहरुको टिम मात्र तपाईको एक इशाराको प्रतिक्षामा छन् ।
२०१२ को समर ओलम्पिकमा हामीले निकै प्रेमपूर्वक कार सफा गरेका थियौ । दुई पटक पूर्णरुपमा टुटिसकेको यो कारको सीडी चेन्जर खराब छ । तर, रेडियोले काम गर्छ । यद्यपि हाम्रो कार निकै पपुलर भइसकेको छ । अहिलेसम्म यसलाई ५० जनाले बोली लगाइसकेका छन् । एजेन्सी