मध्यरातमा १६९ न्यायाधीश सिफारिस

२७ जेठ, काठमाण्डौं । न्याय परिषदले आइतबार मध्यरातमा पुनरावेदन र जिल्ला अदालतका न्यायाधीश सिफारिस गरेको छ । पुनरावेदन अदालतमा ८० र जिल्ला अदालतमा ८९ जनाको सिफारिस भएको छ ।

सर्वोच्च अदालतमा बसेको साढे ८ घन्टा लामो न्यायपरिषद बैठकले पुनरावेदनको न्यायाधीशमा कानुन व्यवसायीको नामसमेत सिफारिस गरेको छ ।

१६ पुनरावेदन अदालतमा तीन बर्षदेखि रिक्त न्यायाधीशका लागि पहिलोपटक खुल्ला प्रतिष्पर्धाबाट नाम छनौट गरिएको छ । ४७ जनालाई स्थायी दरबन्दीमा सिफारिस गरिएको छ । महान्यायाधिवक्ता कार्यालयका नायव महान्यायाधिवक्ता पुष्पराज कोइराला, प्रेमराज कार्की र सहन्यायाधिवक्ता युवराज सुवेदी पुनरावेदनको स्थायी न्यायाधीश परेका छन् ।

यसैगरी अतिरिक्त न्यायाधीशका रुपमा पुनरावेदन अदालतमा कार्यरत नेपालगन्जका शिवराज अधिकारी, किशोर सिलवाल, पाटनका रामचन्द्र यादब, दिपालयका थीरबहादुर कार्की, पोखराका रामकुमार वन, जनकपुरका द्वारिकामान जोशी, हेटौंडाका सत्यमोहन जोशी थारु र सारंगा सुवेदी र सुर्खेतका रत्नबहादुर बाग्चन परेको नागरिक दैनिकमा खबर छ ।